卒之去左蕉叶！！！天河北时代广场店。时代广场站落车上2楼即到。

蕉叶的咖喱蟹系无敌无敌无敌！

就系时代广场2楼。
环境好好，宽敞舒服，里面好多泰式的挂画、佛像。

叫左咖喱蟹；猪颈肉；冬阴功汤。

茶位10蚊个。。。囧。茶叫左石井。根据茶叶判断，应该系2造，200蚊左右一斤上下。10蚊茶位，d茶算对得住观众啦。

首先上系冬阴功汤。
29蚊。
er。。。同菜牌上面的吾同。菜牌上面的虾栋晒起身，实物d虾训晒系汤里面。
虾几好食，数埋5只左右。头身分开的。壳系一咬几离，吾需要落手食。
除左虾，仲有草菇。草菇细细只，同虾一样，都够新鲜。
个汤酸辣的，味道好神奇~
酸得来吾反胃，辣得来吾烫喉啰！
泰国的冬阴功汤原来系咁的啊啊啊！

从此吾会点咩菇菌专门店或者普通菜馆的“冬阴功汤”。

咖喱蟹上来了！
正确来讲系咖喱皇炒蟹。
有3种蟹：肉蟹170蚊左右；澳洲的蟹388蚊；仲有种X蟹138蚊只。
要左肉蟹。

个碟好似水果船咁大！里面装晒咖喱！好香。。。
只蟹斤半左右，系咖喱里面浸浴紧。
挑起只蟹gang（普通话系蟹手），哇好大只！
用钳一夹，好清脆cock声裂左。好大旧肉！哇！
好，好味到晕！害到DDO疯狂食，仲想抢埋人果份啊！颠左了。。。OTZ

咖喱比越南菜馆越滋味的稍甜。吾辣。咖喱本身吾辣，应该无胡椒果d。咖喱面有d辣油，吾食辣的可以避开。
只能讲，d咖喱味道实在无敌！只可意会不可言传！！

“从此吾会系大排档或者街边的店叫咖喱！”——某人话。囧
无错，当你食过咩系正宗，咩系好味，你就会觉得土豆粉果d所谓的“咖喱”系无得比了。。。
但系咁会食到个嘴叼晒啊。。。噢no

再来系皇牌碳烧猪颈肉。
好似系38蚊，吾记得了。
猪颈肉有部分系肥。其实猪颈肉吾算特色，系好滑好味，之但系最紧要仲系距俾你点的汁就绝对系独一无二。
d汁酸酸地。都系未试过的味道。同日本的点豆腐的豉油的酸又系完全吾同！

店内。墙壁好值得游览观察一番。

店好大了。光线充足。

黑黑的地方有座神像。OTZ。

窗果度系包房。

吾知d灯笼系未为中秋整。系的话都几豪~

好多明星帮衬过。应该系香港的店啦，吾系里间。有个系蔡澜。大家认得么？呵呵

其实怕影神像系不敬嘎。。。但吾影又对吾住观众。影个侧面大家睇睇。。。泰国最出名的四面佛。泰式餐馆一定要供奉的说。（前面只船的海鲜好靓。。。口水ing）

冬阴功汤。里d碗仔可以装5碗或者多d。入蕉叶其实叫2个白饭，1个冬阴功汤都得的了。因为个汤绝对适合送饭。

冬阴功汤本体。下面热紧，可以吾急饮用。蟹就要快d食。

无敌的咖喱蟹！！！除左无敌同最高，稳吾到词形容了。OTL

红色的都系辣椒吾系番茄。咖喱蟹上来即刻可以食，因为吾热。

肉啊！正啊！

猪颈肉。吾系好焦。吾觉有脆的皮。。。

蕉叶欢迎你~

门口的价目表，39-69咁啦。

有人点青菜食喔。。。囧。去泰国餐厅叫炒菜无数为啦。d人真系有米的姐。囧。

一个人嬲嬲地去砌翻只蟹，实好味到你笑翻。

可能早左食，5点到场啰。有好多空位。食到6点半，都无传说中的乐队之类表演。感觉蕉叶唯一吾好的就系服务员态度系ok，但动作同反应都较慢，你举手同叫，距地3次有2次都忽略左你。。。
最后用左1蚊打包d咖喱同猪颈肉翻屋企。打包用的系塑料碗，密封可以叮的，都几好嘎~咁大盘咖喱，吾使浪费啦！