连续去左2日漫展，攰啊！
早知可以自由coser免费的就早d问人借衫cos下啦~
呼。。。第一日排队超痛苦

搭车去到越秀公园，公园门口人山人海。过对面马路锦汉展馆就10分钟。
好吾容易过去，但系发现条队尾无限延长！系稳队尾的时候已经再多好多人加入排队！
写就写一人限购一票，DDO排左大半个钟，排左九曲十八弯去到，个售票员问DDO要几张票。买票后再听到人话，一个窗口买一张，都可以帮人买啦。
妖。。。。。。。。。。。。

第一日发现两个伪娘，头上有袋。囧
即刻影低。距越戴袋越令人有拉甩距个袋的冲动。。。泪

现场有野睇吾惯，就系好多着女仆装的吾掂当，搞到DDO影吾落手。
why呢
女仆装+市面女装高跟鞋。OK的，虽然吾系松糕靴。
女仆装+布鞋。里样接受吾到！即使个样靓都好，你混搭吾系咁混的嘛。吾影你。
女仆装+吾化妆。都系接受吾到。。。华丽应该彻底华丽，吾化妆，都系影你吾落。
黑白女仆装过多。太多了，有好多比较普通。你可以话距系“标准”的。就系睇到麻木晒啰。所以，除非衫同人都好精致，否则都无影。

有队Punk feel的，几型。影左。似NANA又吾完全系。
Anyway，影~。

第一日现场好多人扮公仔周围走。有几只非常可爱！
排名1 大灰狼。出自喜羊羊
排名2 小皮逗旺财
排名3 蘑菇朵朵。

大灰狼真系无论咩pose都咁抵死！！！
3只都好有爱！！！啊哈哈！

睇下摊位，今年最畅销的肯定系帽同刀啦。

猫耳兔耳鼠耳，应有尽有；魔法帽；晓的蝎的帽；IQ博士的帽。
话说帽买翻屋企，下次嘉年华都可以拿翻出来，值得买。
好多好多帽啊。
居然见到2个黑人，其中一个戴IQ博士的帽，微笑快步走过。
哇塞。外国漫友。赞。（距走得快，影吾到。。。）

另外，好多好多刀~日本刀
以前无量产，宜家量产了。由于系真刀，有手感，买把翻屋企供奉，一次买N把的都大有人在。
其实就几流啦。d粘合位系XX胶加热痴一痴。某人把刀，几野，刀柄的盖就好似遮柄的盖咁。。。无野讲。

再有就系“敢达”啦。
“敢達戰士之天人傳說”
“敢達戰士雙蛋奇謀”
╮(╯_╰)╭
几多钱都要买的东西！任何相机都要影的模型！
台台都好靓。吾使讲野！

始终吾习惯“敢达”里个名，吾知点解。。。泪
除左敢达模型，仲有敢达游戏。一次5蚊。有d考技巧，有d纯粹靠运。
话说奖品之一的144蚊的GundamRedFrame，好快奖晒。。。几靓的果只。。。

游戏区仲有电玩玩。有极速赛车。几多人玩。
有太鼓达人亚洲版。姐系11代。
睇的人多，体验的人都吾少。联盟的人无出动，自然缺乏高手。OTZ
大家有秩序咁排队。可惜太鼓的声都系俾附近的“鼓王2008”同表演台的声盖过晒。呼。。。
第一日，1币1蚊，3币2歌。比天河城的少一首。
第二日，4币2歌。。。币了。。。
鬼叫有爱，鉴贵都打多次。
亚洲版的Jpop少左好多。。。555

游戏区仲有台大公仔机。DDO一次都无玩过。
虽然识日文，但都吾知点玩。就吊住d大公仔系度已经觉得怪异啰。
估计中奖概率应该好微。

讲起大公仔，个场好多大野！
巨型叮当；小新；BB战士；大海报。
加埋就好大气。大型展的气氛就应该咁。爽！
同埋有样好好的，就系show台有大屏幕，个台够高，配合大屏幕，好多人可以睇到cos比赛。赞！
个场够大，有大空地，俾大家一圈一圈，围住吾同的coser影饱距。
不过个空地后面位置吾够光。开闪光灯又影到尘同红眼，效果无咁好呢~

讲起XE物，非常多，抱枕海报，性感loli都系1比1展现系怪叔叔面前。有人干脆影左个店翻屋企。1楼有间自制手办店（吾知点自制法），更多XE手办。见到某怪叔叔影pans。。。角度是老手中的老手啊。。。まだまだだね的DDO也模仿影左张贡献俾大家。。。

话咁快cosplay预赛了。
前面上场的几队都质素高，非常好！
5分钟利用得好好。重演动画剧情PK，吾呆板，精彩哇。
广大漫协今次出噬魂师。几好。cos睇得啦，上台走位都顺。几好几好~~

比较搞野的系某男coser上台小跑几步，跑得猛烈过头，假发掉了。OTZ！
此男非常敬业咁无视左地下的假发，继续表演。
某成员经过，一脚踢个假发去后面。
另外成员用活动屏风遮起假发，此男到屏风后面，假发被戴回。
赞！团队配合应变得好好！RP值高！

前面的质素都好高。有队cos好似系话得漫画，未出动画的。
但系服装就够靓。
DDO中意好似小飞侠咁的帽果个MM，好识摆pose！

头值得欣赏的仲有某长发辫的coser，全身黑袍，就系个假发够靓！
条辫好整齐，个假发质地好好~
黑衫cos吾少，里种系敬业的。

系2楼夹层睇左6队，俾人赶，无继续睇了。OTZ

行去金龙奖的展区，好多画都好靓~
影左自己中意的。
翁子扬的一幅女人，由于面鸳鸯大小，眼神把握得好，张画好有真实感。喜欢~
《雏鸟》都中意~大家去留意下。

食饭： 1楼夹层有小卖部，牛杂十几蚊一小碗，杯面10蚊碗（系距度买就提供热水）。肯定吾抵了。买票入场的，睇你懒食定出钱啦。

女厕：2楼夹层的女厕少人d。1楼夹层的女厕排队排好耐。DDO经过好心叫左d人去2楼夹层啰。点知后尾2楼夹层都排队。原来1楼夹层女厕神左。。。囧TZ

免费tips：自由痕的皆注意了。想免费入场，最简单的cos头2位就系网王，死神。搞套衫，俾50定金（据闻月底才可取回）。正常入场，换cos衫之后俾距盖个章就算登记完毕，以后5日就可以登记下，盖个章系手背，当日就免费自由出入。出去食饭都方便。

场内多女仆服卖。有一方法就系入去消费套衫再出来换个章啰~~~

第二日继续杀去漫展。

今日有空之轨迹的cos。小沉怪婶婶睇到双手祈祷，睇完劲拍手掌，心满意足走左——尽管cos出得吾系非常靓果只。
又一个深渊。。。

今日最大雷电系伪娘，伪娘，伪娘！！！！！！！！！！
琴日的伪娘之一今日换左套裙，继续伪过来。DDO认得距身材。
哇太囧了！囧神！！！
仲有大合照！稍后奉上~~~~（>_<)~~~~

仲有2个靓伪娘。其中一个，面好细，人好瘦，腿好修长。。。
众人被倾国倾城的美貌雷倒，一边O嘴，一边影无数张相！
距仲不断徇众要求，变换道具，又企又坐。
救命啊！！！无敌！

另外一个藏系摊位中。。。
个样羞答答咁。。。
距应该企出来。。。
OTL OTL OTL

今日同雷的，系一foreigner，扮魔法阿伯。仲骑角马游场！！！
距有枝叉，边走边yeah的同时，又同旁边的群众“打成一片”
好玩弊了！！！
最后俾DDO见到距落翻来做翻正常人，拿拿声同距影相！！
影完不忘讲声"thank you"
距讲“you're welcome”啰。咔咔。好funny啊！！
仲见距摘帽。原来系靓仔来嘎！！！
噢yeah！！！

今日画展展出金庸小说的插画。中国人，中国画，靓！！！
全部影晒。
今日系疯狂影啊！
好多靓女，一个都无放过。
有吾彻底的loli，但也有从头到脚无可挑剔的。
好靓啰！
有个超可爱！！！矮。样又靓！DDO好想带距翻屋企啊！！！
仲有个又系矮但好可爱的！！！
无敌！！！萌s了！

话说，2楼有间“鸣人堂”，专卖cosplay服的大店，占吾少位，仲请左好多靓女仆去打工。女仆就谋杀N多镜头。d衫就都几贵。luffy的上衣就百7。。。厚利薄销咁话na。见到有人试丁次！几歹睇下果个人换衫后点啦！原来吾系好肥，哈哈。。。

借到台柯达单反，疯狂影，影到手攰！
块电池太强大了。。。影左2百几张都正常。。。

吾知5号会吾会所有货品大平卖呢~。。。
今次漫展，残念的系无人cos怪猎同MacrossFrontiers。除左里样，其他满意了。

PS：太古可口可乐有派赠饮券。拿到可以领罐饮。睇大家好吾好彩，遇到距派啦。赠饮规定即开。

先弄日程表上来。OTZ。

图片陆续有